தமிழக சட்டப்பேரவை கூட்டத் தொடர் இன்று நிறைவு

தமிழக சட்டப்பேரவைக் கூட்டத் தொடர் இன்றுடன் நிறைவடைகிறது

கூட்டத்தொடர் நிறைவடைவதை ஒட்டி, ஆளும் கட்சி எம்.எல்.ஏக்கள் அனைவருக்கும் முதலமைச்சர் ஜெயலலிதா இன்று மாலை தேனீர் விருந்து அளிக்க உள்ளார்.

கடந்த மாதம் 10-ம் தேதி தொடங்கிய   தமிழக சட்டப்பேரவைக் கூட்டத் தொடரில் பல்வேறு முக்கிய மசோதாக்கள் தாக்கல் செய்யப்பட்டுள்ளன. கடைசி நாளான இன்று, நடப்புக் கூட்டத்தொடரில் இதுவரை அறிமுகம் செய்யப்பட்ட 10-க்கும் மேற்பட்ட சட்ட மசோதாக்கள் குரல் வாக்கெடுப்பு மூலம் நிறைவேற்றப்பட உள்ளன.

முன்னதாக கேள்வி நேரம் முடிந்த பிறகு, பொதுத்துறை மானியக் கோரிக்கை மீதான விவாதம் நடைபெறும் எனத் தெரிவிக்கப்பட்டுள்ளது.